حوار يومي متجدد... ليش ؟! شحقة ؟!! شكو ؟!!!

[ناقدة تربوية]

صباحكم ورد.. ومساكم فل

شلونكم يالربع والربعات.. سامحوني على هالمشاركة.. بس شسوي احترت !!

آنا أول ما سجلت قلت بيني وبين نفسي ( هِييييييّا.. تو ما لقيت المكان اللي يصلح لي .. ) كنت أظن اني بفضفض واطلع اللي بقلبي وارتاح !! بس يوم شفت البلاوي وقريت ضاق خلقي أكثر.. هذا وانا ما قريت كل شي..

صكت فيني الدنيا ودخت وما وعيت الا مرزوق الغانم ينادي باذني لا تيأس من وطنك !! (

أمبيه ! شنو هذا ؟! الفساد منتشر بشكل مخيف !! اشدعوة يا حافظ شنو هالنفوس ؟! كل هذا ليش ؟! عشان كم فلس وكرسي ؟! شيللي صار بالضبط ؟! وين الخلل ؟!

لا تقولون بنتحلطم وبس.. والله ما ارضاها لي ولكم.. أوكي ميخالف نتحلطم شوي عشان نخفف الضغط والسكري.. لكن لازم نطلع منها بشي.. مو حلوه تربويين ونتحلطم بس !! عدل والا لأ كلامي يا جماعة ردوا علي ؟!

[ناقدة تربوية]

الظاهر سؤالي يعور القلب وطلبي وايد صعب

ما أشوف احد عبرني

[الباشا]

لا طال عمرج سؤالج ما تعور القلب بس سؤالج هو جوهر كل اللي يصير فى وزارتنا بالعكس انا معاج في كل اللي تقولينه كل واحد فينا وده يطلع ويفضفض في اللي بقلبه بس اللي قاعد يصير اشبها لج مثل واحد يلعب ملاكمة وتجيله ضربة شبه قاضية ويطيح على الارض ويقوم الحكم يعدله وهو يحاول يوقف على طوله واذا تجيله ضربة ثانية من الملاكم الثاني فيكمل المقرود نومته من قلب على الحلبة الي اليوم الثاني
المهم نحن ما نتعلم من اخطائنا خاصة المسؤلين فى الوزارة ونكابر وما نعالجها ولا نستطيع محاسبتهم عنها وخاصة اذا كانت من القيادات للاسف انما خل الموظف الصغير او المعلم يغلط او يخطأ والله يطبقون عليه نظرية حمورابي ويطاردونه بالهليكوبترات ويعلقونه من دشداشته او من باروكتها علي مبني واحد

[ناقدة تربوية]

لووول

حسبي الله على ابليسك المثال اللي ضربته يعور القلب اكثر

ما عليه ربك كريم

[مارد تربوي]

من مظاهر الفساد الاداري التنقلات التي تعتبر حق للموظف - كيفه بيغير وضعه او مركز عمله - يتفاجئ انه لازم يتابط له راعي بشت عشان يروح لقسم ثاني في المبنى المجاور للمبنى اللي هو فيه لكن تدرون آنا ماني متابط بشت ألا أبلبس البشت وبدش الانتخابات وبنجح و بسحب ربعي بالمنطقة وأعينهم سكرتارية واللي يبي ينقل لقسم ثاني بالمنطقة اش زيني داش على مسؤولي السابق واقول له وقع نقل فلان يااا..... تذكريوم اني بغيت انقل وتذكر وتذكر ...... والله لانقلك

[ناقدة تربوية]

ودي ألعب دور المثالي وأقول لك: لأ دير بالك لا تصير مثلهم
بس بيني وبينك العالم مثل الذيابة بس تنهش ببعضها ما يات عليك انت بس
دش الانتخابات والله يوفقك بس لا تنسانا

تدري

اتوقع أول شي بتسويه اذا نجحت بتسكر منتدانا هذا
الله يستر

[رادار تربوي]

مو حلوه تربويين ونتحلطم بس !!

أكثر ناس يتحلطمون بهالوقت هم التربويين والإداريين ينافسونهم والمشكلة في قياداتهم ومادوي أقول النسائية حولوا الوزارة لسوق واجف الله يرحم أيامك يابوقتيبة

[ناقدة تربوية]

سوق واجف يهون عند مكاتب الد - - - ة !!

بعض الرياييل يشتغلون على الثقيل وبعض الحريم حدهم كم هدمة وحمرة

لا نقلبها رياييل وحريم ونشب بالمنتدى

ما تسوى