السلام عليكم ورحمة الله وبركاته

تقبل الله طاعتكم وصالح اعمالكم يارب

ادري تأخرت عليكم بس كنت مريحه ورديت الحين للدوام وتوقعت اني لما ارد ما الاقي لطيفه العجيبه

ما اخفيكم اخواني واخواتي اني لما غبت عن المنطقة التعليمية ماقدرت ما أسال على لطيفه وحال المنطقة معاها اللي مع الاسف إلى أسفل دائما معها

بس الحمدلله داومت ولطيفه بكامل نشاطها لان والله اعلم يقولون خلاص عقب العيد بيداوم مدير عام واخير :D والاخت تودع أخر حلقات مسلسلها المكسيكي :rolleyes:

بس لو تدرون شنو مسويه بالاداريه ..!!! ... امبيه لاعبه لعب والمصيبه مو بس جذي الا اقلبت على صديقتها ثندددددددددددث " عفوا سندس " مدير الشئون الادارية والفنية بالانابه ومراقب الموارد البشريه بالبوق والواسطات
المهم ان الماما لطيفه اقلبت عليها وما طلعتها اجازة بس تبون الصراحه هالمره انا معاها... شلون بتطلعين يا ثنددددث ؟؟؟ وتخلين ادااااااارتج فاضييييييه " اقرووها بمياعه نفسها :p "

وهذي الست سندس موجوده وقاعده بمكانها ..عفوا الست العجيبه مشغلتها مطراش ياما تقولها روحي وياما تقولها تعالي ادري ثنــــددددث تقولين بينج وبين نفسج الله يرحم ايامك يا بوشبيب " مدير الادارية السابق اللي لما طلع قلتي عنه حاليا بوشبيب بححح خلاص انا الحين بوشبيب" يالله اشربي حتى ما احترمتيه ووقلتي هذا بيوم من الايام كان مديري وما قصر معاي بشي ....

نرجع للعجيبه متمسكه بكرسيها بس حاليا خدمها " بدوي السوسه مصري الجنسية والسوريين اللي عندها " باجازة لغايه دوام المدارس وطبعا توهق الاثول عفوا البطل قامت توزع جميع كتبها واوراقها على كل الاقسام والمراقبات وتشغل الكل حتى المراقبين ورؤساء الاقسام طباعيين وسكرتاريه عشان يردون على كتب الحرامية العوده منى اللوغاني ،،،
بس السؤال اللي ادري الكل يسأل ويطرح نفسه وين بناتها ؟؟؟ عشتو بناتها مو فاضيين منهم اللي شغلتهم بس ياخذون الصيغه الصحيحه من الناس اللي تفهم من المنطقة ومنهم اجازات ومنهم ملت هي منهم لانهم لا يملكون الاسلوب اللي يتعاملون فيه مع مدراء عموم بالانابه ومنهم اللي بس شغلته التلفون من سكرتاريه مدير شئون تعليمية إلى سكرتاريه مدير عام لنقل اخبار الماما ومنو دخل ومنو طلع وشنو صار عندها بمكتبها ؟؟ ومسكره على منو ؟؟ وصارخت على منو ؟؟

وعشان جذي ماحد عندها بمكتبها فاضي ...
طبعا مثل ما انذكر في موضوع سابق ان المنطقة فاضيه والاغلبيه بالانابه او تكليف وبانتظار بيض الصعو اللي ماندري عنه
بس يقولون الاكيد ان شاء الله بعد العيد واحنا مانقول الا الله يستر منو هذا وعقب مايداوم شنو ردة فعل الست العجيبه والاداريه بتقعــــد يتيمه من غير والي سايبه بايد وحده قراراتها من بيت ابوها اللي خلفها ؟؟؟

عسى الله يعينا ويعين جميع موظفين وزارة التربية على هالقياديين اللي فيها
واسمحولي على الاطاله وعندي بعد كلام هذا ولا شي لاني صايمه :p

والسلام عليكم ورحمة الله وبركاته:)